Valdemuller

Valdemuller é unha historia de iniciación onde Mina, unha rapaza que acaba de facer quince anos, se interna no mundo dos coñecementos ancestrais das mulleres que saben, que sempre souberon ao longo dos séculos, malia as invisibilidades e os silencios impostos. Tamén é o nome dunha fraga frondosa e enigmática situada no corazón da provincia  de Lugo, ademais do título desta novela, publicada por primeira vez hai vinte e cinco anos, e que xa daquela abordaba temas que hoxe seguimos a reivindicar.